這天，我倆吃了新鮮但又沒有留下甚麼印象的生蠔。
頭盤當然少不得蟹餅啦! Mr. Dolphin 超級欣賞這兒的蟹餅，原因嘛，就是伴吃的醬汁好吃囉，有點似咖哩味而又甜甜地，不錯！
海豚兒的主菜就是炸魚配薯條，這個嘛，有點像海豚兒... ...皮粗肉厚，很一般呢！
Mr. Dolphin 點的海鮮ravioli就很好吃啊！有蟹、蝦、帶子、和魷魚做餡，外皮做得煙煙韌韌，只略嫌咸了少許。
至於甜品，Mr. Dolphin 説他不想吃古古力慕絲蛋糕，所以海豚兒便點了Mr. Dolphin説好的pecan pie 和他不喜歡的key lime pie 吃啦，就是因為他不喜歡後者，所以當然要選一款他也有興趣的啊！
另一天要上班的日子，海豚兒忽然很想吃漢堡包，便一個人跑去吃了。
在餐牌上看到了vanilla hot honey milkshake 便點了一杯來試。喝第一口，感覺是很夠凍亦很夠甜，其實對海豚兒是有點過甜了一些，但蜜糖甜也是正常事啊。然後奇怪事就在這時發生，怎麽喉嚨突然感到一片焯熱呢，難道中毒？想了一下，噢！原來hot honey 不是熱的蜜糖而是辣的蜜糖，嘻嘻！都説過海豚兒是文盲啦，沒騙你的啊！
這天點的漢堡包個子比較小，但味道真的很好吃啊！又原來這店子在美國東岸已經有數間分店，有機會的話，也值得一試啊! 不過可能因為此店主打有機食物，所以價錢也不算便宜就是了! 一個包加一杯飲品税後(13%)再加小費(15%)已經要$27加元呢！
然後又一個週六，和朋友相約好一起吃晚飯，晚飯前經過一間麵包店，看見剛出爐脹卜卜的蛋撻，真是教我如何不吃它呢！買了一個和Mr. Dolphin分吃，Mr. Dolphin 説我們家真的這麼結据，已經到了要兩人共享一個蛋撻的地步!
"阿老公, 減肥尚未成功，你我仍需努力喎!" ;P
$27 for a drink and a burger is outrageous!
回覆刪除爐脹卜卜的蛋撻 <--- haven't had one of those for at least 10 years :(
老公見到信用咭條數都以為係我同朋友去食嘅價錢呀! 佢成日話好羨慕我返工都好似唔駛撈咁，淨係諗午餐想食咩! ;P
刪除三藩市(唐人街金門), 溫哥華(列治文麗都), 同多倫多(萬錦雅閣)都有新鮮架，去開玩都可以試。妳嗰邊有無得飲茶架，我覺得茶樓D蛋撻仔都好得架!
有邊個會諗到是辣honey ，我同會以為是熱的啦
回覆刪除嘻嘻! 好在有妳陪我，我當時真係覺得梗係我唔識嘢，或者hot honey係好普通嘅食物，只係因為我唔識煮食，所以無留意有呢種食材o乍! :D
刪除妳同Mr. Dolphin都好有食力喎，頭盤、主菜同甜品都咁大份，最後清晒?
回覆刪除都唔算吖，我食咗3隻蠔，2/3個蟹餅，兩啖ravioli, 而我嗰份炸魚薯條實在太頹，食剩個炸皮同凍咗嘅薯條，無清碟。不過最後我一人做事一人當，清咗大部份甜品。:D
刪除海豚兒:
回覆刪除~個炸魚柳, 外貌真係唔多ok!! 好像太多粉醬!!
~Lunch time 自己一個人出去食lunch. 仲食到咁heavy, 肯定個日嘅心情好happy 先會咁做!! 但漢堡包+ milkshake 真係perfect match, 間唔中, 我個腦, 都好想咁樣食!!! ~不過, 辣味Honey, 又幾特別!! 比我會試!!
全中呀！外皮厚，炸到入面乾哂！>_<
刪除如果唔係驚午餐食得太heavy, 其實我幾鍾意間中一個人坐底慢慢食架，可以透下氣嘛，但明明我份工算輕鬆(!), 哈哈！所以應該都係為食，所以先藉口多多。
雖然一開始唔知個milkshake係辣，但同餐牌上全統嘅雲呢嗱、古力、士多啤梨口味比，hot honey 真係吸引D囉！
好吸引丫, 依一篇所有野都o岩我食呀!!!
回覆刪除不過加國消費真係唔平, 難怪妳地返親黎都暴食~~ ;)
嘻嘻！我都覺得D食物啱妳嘅美式胃口，除咗蛋撻啦，香港嘅比呢度平同好味更多嘅都有嘛！
刪除呢度嘅中餐廳會平D，但西餐廳，尤其喺市中心地段就真係一D都唔平，而且加拿大税重、小費又貴。不過喺呢邊住慣咗，返到香港有時會唔記得，小費比重手咗，友人或家人都會提番我哋！:)
＄27，咁鬼貴，真係無下次呀！
回覆刪除你係湖邊個餐，D野食都好似好少咁...飽吾飽呀？
其實真係唔平，不過衰鬼又真係幾好食，嘻嘻! 講真，加拿大物價一般都係比美國貴架，所以我真係好少喺呢邊購物架!
刪除Hmm...我無食哂個炸魚薯條，所以有quota清埋大部份甜品，食完都幾飽，仲喺湖邊行咗成粒鐘散步至返屋企。
辣嘅蜜糖 又真係估佢唔倒喎！
回覆刪除又一個令我睇完安心D嘅留言，謝謝Mandy呢！實不相暪，我真係以為係我唔明，誤會咗架！^^"
刪除話時話，我上星期喺超市試食攤檔到試咗隻甜果占但加咗辣椒，有果醬嘅甜味味亦食得出辣味，估唔到甜溝辣都幾好味喎！
很有趣的辣蜜糖milkshake, 不過我怕辣, 唔知係咪好辣呢?~~ 那個有機漢堡包似乎幾吸引, 喺香港食一個這種手製漢堡包都唔平架~~
回覆刪除我都唔係辣底，都接受到，尤其佢溝咗落甜嘅雪糕同蜜糖到，所以應該飲到，無問題嘅！
刪除其實個漢堡包真係幾好味，雖然我唔識分佢嘅好味同有機食材有無關，不過就真係比平時嘅貴D，但又好味D！