2015年6月8日星期一

對現承諾的旅行

忘了從何時開始,Mr. Dolphin 就説要找一年"帶"海豚兒去一趟澳洲抱抱小樹熊。

Mr. Dolphin 一家人n年前在準備移民之前就因為知道一旦從香港移民到温哥華要再去澳洲就太過不便,所以Mr. Dolphin一家在移民前就已經到"澳紐一游”了,不過大鄉里的海豚兒未曾去過嘛,所以他便很想帶海豚兒去一趟咯!

澳洲對於居住在北美洲東岸的我倆真的是超級無比勁爆遠呀!由多倫多出發的話,多數是先途經温哥華再去悉尼,約需要22小時機程和兩天的時差,所以,我倆一直也打算要找個中途站停下、休息下,不想直接從多倫多出發去澳洲。為着這目標,我倆在過去幾年努力地儲British Airways (下簡稱為BA)的飛行里數,終於在去年趕得及儲夠足夠積分換機票去實踐今年的<<拾。婚。快樂之旅>> ~ 東京、悉尼、和香港。


其實去年十月尾才因家事回港的我倆最初也猶疑如果今年再回港會否太密,不竟我倆也覺得最理想是每三、四年才回港一趟,這樣我倆會玩得更盡興之餘亦會更珍惜回港的時光,但是因為BA飛行里數計劃在四月尾進行改革,簡單來説以我倆辛辛苦苦儲下來的積分,跟據新制是不夠換取全個行程的機票,所以我倆便在四月尾前把所有積分拿來換取這旅程的全部機票了,當中包括一程經濟(因為夾不到時間,唯有忍痛放棄商務客位!), 兩程特選經濟和兩程商務客位, yeah~~~

當然,要成功靠積分來換取整個行程的機票其實一點也不容易,海豚兒那段日子就像瘋婦一樣,每天上網查看機位,亦為了夾機位、班次時間和假期,我倆最終也放棄了澳紐深度"游",改成了現在的旅程。老實説,賽翁失馬,焉知非福,其實我倆也對現在的行程更為滿意就是了,原因嘛,海豚兒和Mr. Dolphin 都不是“陽光與海灘”的追隨者,所以能途經東京,絕對是更更更快樂啦,哈哈!

題外話,海豚兒和Mr. Dolphin從來也不是大花筒,能在幾年間儲到足夠BA積分來換這五張單程機票 x 2, 主要是靠盡量把握每次信用咭或BA的優惠,例如靠開新信用咭來賺取額外的優惠分數,襯信用咭提供限定期間優惠,以1比1.5的優惠把積分轉到去BA戶口, 或者是在特定地方用
信用卡來換取雙倍積分等,也算下了一點苦功架! 還有,因為我倆整個旅程也會住酒店,所以海豚兒也特意把自己在公司的員工福利計劃裡頭,儲了好幾年的積分拿來換取東京和悉尼的酒店,至於香港的住宿,海豚兒亦繼續發揮慳家本色,以貨比三家的方法成功跟酒店爭取到他們的"最低價保證優惠", 就是説海豚兒在一般的旅行住宿網站找到比酒店本身的網頁上更便宜的房價,酒店便跟據海豚兒找到的價錢再額外提供七五折優惠了。寫到這兒,海豚兒也不禁要送個like比自己呢!當然,為了預防因小失大的可能性,我倆亦情願比貴一點點的房價,全部酒店都是選擇在入住24小時前可免費取消的價格。

海豚兒想說的是,這個旅程能夠成行,絕對是靠海豚兒和Mr. Dolphin的努力、腦力和勞力,大家也沒有富爸爸嘛,所以就窮則變,變則通啦!  XD  

18 則留言:

  1. 恭喜哂, 真係好期待又再聚呀!!!! :D

    回覆刪除
    回覆
    1. 係呀!我都好想返嚟同妳見面同埋一齊食嘢呀!我已經諗住如果妳返咗工,我就去揾妳食lunch。:)

      刪除
  2. 澳洲同紐西蘭....我估只要我仍住喺美國的話,都應該唔會去,實在太遠。

    你到時玩得開心啲!

    回覆刪除
    回覆
    1. 多謝妳先!:)

      尤其我哋住東岸,去澳紐真係同去非洲差不多遠!但係我已經覺得妳好勁,年年都飛返香港,其實都好辛苦,不過,飛到返去嘅快樂亦都值得嘅!

      刪除
  3. That's amazing that you guys have enough points to pay for the whole trip! You deserve a pat on the back!

    How long is the whole trip?

    回覆刪除
    回覆
    1. 多謝妳呢!老實講,如果唔係因為靠儲分,我都想像唔到幾時先會去得成呢個旅程呀!

      成個行程加埋有成3個禮拜,所以今年有大半年時間都係期盼呢個旅行呢!

      刪除
  4. my experience to share/for your reference only. I exchanged for business class Air France return tickets (Paris/Los Angeles) a few years back. The travel dates were in July (high season). When i arrived at Paris airport, AF told me that the plane was over-booked and i could not board (due to exchanged tickets). So, i flew the next day.
    I love 'The Rocks' in Sydney! And don't forget to book one of the restaurants over-looking the Opéra House!

    回覆刪除
    回覆
    1. 多謝妳提醒呀!我以前都有用過分換機票,不過又真係無諗過會有呢個可能性,妳提起,我依家都驚驚地,因為我都有一班機接一班機嘅情況,如果有任何一班機上唔到,成個行程都會有問題。。。唯有祝自己好運啦!又,我覺得AF嘅服務本身都好有性格,老公試過公幹坐AF嘅商務由TO飛巴黎,因為唔想食生冷嘢,所以佢話唔要頭盤(龍蝦沙律加鵝肝凍---->嘥哂!),之後空姐就無再派餐比佢而佢亦就咁算啦!佢應該係小數坐商務都攪到餓親嘅乘客。XD

      好提意!等我遲D揾餐廳時留意下先,thank you!!

      刪除
  5. 吓?妳地飛去澳洲要廿幾個鐘架?真係坐到腰到痛
    妳地今個trip一共玩幾多日呀?
    好期待妳地返黎呀^^

    回覆刪除
    回覆
    1. 係架!所以如果唔係儲到分換機票,我都唔敢諗去澳洲呀!

      成個trip加埋差不多3個禮拜!

      我都係呀!到時可以面對面傾餐飽啦!:)

      刪除
  6. I am so impressed by you. I have been saving my points from my credit card over last 5 years. As of this month, I have only earned like US$850. Your strategic plan does pay of =)

    jessee

    回覆刪除
    回覆
    1. 歡迎和多謝你嘅留言呀!其實美國比加拿大有更多種類嘅信用卡儲分計劃架,你有無留意下有關網站,例如:the points guy呢?對我嚟講,最緊要係每月清還所有卡數,同埋唔會keep太多或多餘嘅信用卡,好多時,只要任務完成,就算年費已交,我都唔會留用唔着嘅卡,情願提前取消。 加油呀!等你嘅好消息呢!:)

      刪除
    2. haha...might be I am just lazy...I have been using the same credit card (Citi Bank) since pretty much I started working. This is the only credit card I have. I like it as they really have good control....a few times someone stole my credit card #s and then made purchase, Citi Card blocked my card and notified me immediately. Like you, I pay off my balance monthly....Anyway I will look into other credit cards to see any good deal out there.

      jessee

      刪除
    3. 哈哈!唔係你懶,只係我個人恨去旅行但又唔捨得駛錢,所以會咁落力儲分。

      最緊要睇下自己本身想用分換機票去邊到多,又或者係用分換機票去邊度較抵,再睇下邊間航空公司啱路線,咁會比較易D揾啱嘅卡同program。以我自己為例,我儲BA嘅分因為貪佢嘅airline partners 較多,包括AA, CX, JAL,飛北美同亞洲都用得着。:)

      刪除
  7. 我都換左,不過是5月時換。 我覺得4月時的機票還貴呀。

    回覆刪除
    回覆
    1. 咁妳係咪都係換返香港呀?如果換BA機票,只要係off peak season,新制可能抵D,但因為我換嘅係partners機票,商務位由舊制要經濟位嘅兩倍分變成依家要經濟位3倍嘅分至換到呀,所以我喺改制前換抵好多呀!

      刪除
  8. WA...好精明架!
    我淨係儲Asia Miles 儲到人都顛...都未換到一張機票呀!

    回覆刪除
    回覆
    1. 謝謝妳呢!

      以前Asia miles坐經濟位都間中有雙倍積分嘅優惠架,咗D分都儲得快D,不過自從多咗特選經濟之後,就好似唔同咗咁lu。:(

      刪除