咸食方面，這晚我倆吃了好吃的黑豬(椒)汁雞翼，好吃的港式腸粉，和一般般的咸魚肉餅飯--->其實Mr. Dolphin 是不太吃咸魚亦小生怕怕豬燥味，他點這款只是為了照片中的半邊蛋^^"。結果嘛，我倆也不太吃到咸魚味，但豬燥味就頗强，所以海豚兒也提供了代吃服務，自動自覺幫Mr. Dolphin 吃了半份肉餅，他就分吃了半份海豚兒的雞翼，和一同吃腸粉咯。心水清的你或許會再一次發現，我倆吃中餐的模式其實跟吃西餐有點像，分别是頭盤(腸粉), 主菜(咸魚肉餅飯和雞翼)和甜品。:)
至於甜品，我倆就吃了兩款也好吃的芒果腸粉，和黑白仙草配芋頭，小丸子，古力和雲呢嗱雪糕，另加一杯味道不錯的芒果汁。
海豚兒在這城市居住了已經有好一段日子，這可算是少有在這城市以這類型食物作賣點的餐廳，更難得的是味道也真的很讚，希望他長做長有，海豚兒和Mr. Dolphin亦定必多多幫襯。最高興莫過於以後亦不用等到週末，才有時間開大半個鐘車去食港式甜品啦，現在只需要約五分鐘車程就有得食啦！只要想食又得閒，就已經可以嚟堂食或外賣了！
5分鐘車，我估我會隔日去。
回覆刪除佢嘅甜食選擇好多，由傳統糖水到榴槤甜品都有，真係就算隔日去都唔會厭。而咸食嘅選擇雖然無咁多，但味道都唔錯！
刪除I espeically like the 腸粉 & 雞翼.
回覆刪除I don't remember when was the last time I ate fresh 腸粉. So sad :(
我都好鍾意食腸粉，最懷念小時候喺街邊檔到買腸粉食做早餐。印象中我對上一次有咁樣去買嚟食已經係97年，記得當時朋友已經話好難揾呢D街邊檔食腸粉啦！
刪除咁近咁方便，真係正呀！ 睇落又好似好好味wor....
回覆刪除真係好味架，當然這份“好味”亦有包含我哋嘅思鄉病加上喺北美洲住，食慣呢度中式食物嘅standard, 所以特别欣賞賞呢D款色嘅食物啊！
刪除你地就好囉， 食都食得咁方便。
回覆刪除開咗間咁就腳嘅港台式食店喺屋企附近，真係未食糖水我都已經覺得又甜又潤啦！;P
刪除海豚兒:
回覆刪除~五分鐘係行路, 定係渣車?? 但咁近食到啲港式食物, 當然係好事啦!!
~唔知點解, 我都係好掛住食腸粉!! 歐遊完, 返黎溫哥華要即刻食!!
五分鐘係local車程，但真係已經超方便啦！:)
刪除嘻嘻！妳去完意大利返到嚟，除咗忙執拾戰利品同休息，一定係去狂掃亞洲食物，滿足番個亞洲胃呢！
唔問下佢有冇得齋叫蛋?
回覆刪除頭盤係腸粉咁搞笑?
城市反而冇呢D小店呀?
又無諗過喎！^^" 我哋琴晚又去咗，大家分别都叫咗有半邊蛋嘅食物，當然我嗰隻都係貢獻咗比老公啦！最可惜琴晚腸粉賣哂，我幾失落呀!
刪除可能係我住呢區唔夠多華人集中，所以遲遲未有呢類型店舖啦！喺D比較多唐人住嘅區，會多好多呢D小店架！
人越大, 真係發覺原來港式美食好合胃口
回覆刪除如果我長期移居外國, 都肯定會好懷念港式美食呀
真係呀，而且“人越大”亦更加明白"人離鄉賤，物離鄉貴"嘅道理。:)
刪除諗返當初離開香港，隔咗唔駛半年已經超級掛住港式美食啦，不過依家住喺多倫多，想食港式食物已經方便過以前住羅省好多呢！
近近啲有港式美食, 可以一慰思鄉之情, 俾著我都成日去食呀~~~ 而且看來都幾好味~
回覆刪除係呀! 咁近就可以食到港式食物真係好開心，感覺好似細個落屋企樓下行兩步就有間糖水鋪咁方便，呢個真係住喺多倫多嘅好處呢!
刪除Hello, 可以提供甜品店地址嗎？謝謝
回覆刪除歡迎你! 當然可以啦，以下是甜品店網址，有4個地點，睇下邊到最方便你呢！
刪除http://www.sugarmarmalade.com/
Thank you
刪除唔駛客氣，希望啱你口味吖! ;)
刪除好吃的港式腸粉真是難求呢!!
回覆刪除相信跟香港的標準依然有差距，但對於居住在北美的我來説，這已經是十級好味的腸粉啦! :)
刪除