2015年10月26日星期一

感恩節長週末

十月第二個週末,是加拿大感恩節長週末假期,星期六、日、一也是假期。對!加拿大的感恩節是比美國的感恩節早一個多月,而先入“住”為主的海豚兒也私心地覺得美國感恩節的氣氛亦比加拿大濃厚一點。

説來説去,難得來到長週末,海豚兒當然不會錯過這個出街的好時機啦,星期六一早------>一早的定義是中午啦,哈哈!海豚兒和Mr. Dolphin就坐車車去市中心揾食去咯!

真係唔駛問亞貴,相信大家都輕易猜到Mr. Dolphin又要陪海豚兒吃甜品早餐啦!這天海豚兒跟據網上的好評來到這法式店子。


看看橱櫃,雖然已經是下午,但選擇依然也不少啦。



而我倆選了一致推介的杏仁味牛角酥和無花果味eclair,至於榛子味牛角酥和茶味梨子蛋糕,味道算正常,但焦糖醬撻就太甜和太過一pat pat漿住哂,不太對我倆口味,最後Mr. Dolphin是把焦糖醬刮走來完成好吃的撻底。要説的是這兩杯巨型cappuccino實在超棒,雖然味道並非頂級,但份量就正合我倆hea爆地在這兒消磨上幾小時,傾下講下,悠閒地渡過一個下午。臨走前,海豚兒還買了半打好吃的馬卡龍慢慢嘆呢!



這天晚上就吃了不值一提的燒牛仔骨,正常的豆腐湯,和不錯的豆沙饀韓式魚魚燒餅。



還記得早前海豚兒提過的烏龍週末早餐嗎?這個長週末的星期天,Mr. Dolphin和海豚兒終於去了“對的地方”吃scones早餐啦!Scones和湯也滿好吃,只是吃這份早餐時有兩隻不速之"蜂"係咁攻打我倆的scones,嚇得海豚兒手騰腳震,這時候,Mr. Dolphin又再嚕囌王上身爆句"唉,算啦,我哋食咗佢哋間屋,依家就當俾佢哋食番我哋D嘢啦!" ^^"



12 則留言:

  1. 又係食左佢地間屋.哈哈!!!!!
    scones可以配湯食架? 肥人第一次見咋.....咁配好唔好食?

    回覆刪除
    回覆
    1. 係呀,我估佢覺得殘忍卦,所以仲記住,嘻嘻!

      Scones配湯都幾夾架,尤其係同當中一個咸嘅scone一齊食,其實感覺有D似湯配餐包,ok架!:)

      刪除
  2. 可以hea 到中午先出去食brunch, 呢d 日子,已經揮手遠離我,嗚嗚嗚

    回覆刪除
    回覆
    1. 唔駛傷心Mrs. Wu,等兩姊妹再大D,話唔定佢哋會煮埋早餐拎去妳床邊嚟氹妳,到時妳實開心過出街食brunch呢!

      刪除
  3. 份量就正合我倆hea爆地在這兒消磨上幾小時,傾下講下 <--- it's hard to imagine Mr. Dolphine could talk with you for hours.

    Men I work with and the man I live with don't like to talk.

    回覆刪除
    回覆
    1. 嘻嘻,咁都俾妳留意到,妳講得啱架,佢平時都係唔多講嘢架,不過佢嗰個星期返工遇到好多阻滯,好down,到星期六朝早終於諗通之後(果然係100%理科人!),嗰日就變咗開籠雀啦!:)

      刪除
  4. 第一餐甜品餐好正呀, 其實scone個餐都吸引, 但估唔到有2隻蜜蜂來爭食! 原來加拿大咁多蜜蜂架??

    回覆刪除
    回覆
    1. 係呀,我食完第一餐嗰間之後都成日心思思想再去過,不過一來最近忙D,二來都想留多o的quota等下個月勁食,嘻嘻!

      其實呢度真係幾常見到有黄/蜜蜂,有時仲聽到人哋被針到所以真係好鬼驚架!

      刪除
  5. 你可以一次食兩個scones? 還是我睇錯呀?

    回覆刪除
    回覆
    1. 今次就三個scones兩個人分,我估我食咗約一個半到啦,同埋試咗幾啖湯。但如果食英式下午茶當lunch/dinner,我有時都會自己一個人食哂兩個scones架,最主要睇下有幾好味同幾餓啦!

      刪除
  6. 我好想食個間法式店子呀,叫左咁多食得晒?
    個scones係咪就係好話留番第二日食個果黎架?

    回覆刪除
    回覆
    1. 如果妳嚟玩,我一定同妳去啫! 睇落好似多但食落都唔覺好飽,可能我哋又刮走哂個撻D醬啦,嘻嘻!

      係呀,咁好記性嘅,第二朝嘅早餐就係食佢啦,不過有人怕肥唔多欣賞囉!XD

      刪除