高度機密?!

如果有睇開海豚兒個blog嘅都知海豚兒間中會喺blog到發下牙痕，同大家集思廣益(八卦)下日常事。而既然今日打算講八卦嘢，當然亦要寫得比平時更口語化先夠傳神啦！

呢篇想講嘅係早前海豚兒被邀請參加同事嘅入職三十週年午餐聚，雖然貴為三子之母，但呢位同事真係横睇掂睇都唔似服務咗呢間公司三十年囉。

首先要交代一下呢類型午餐嘅做法。同事可以跟據公司budget選擇邀請八位同事加埋自己同老細共十人，然後按自己喜好挑一間餐廳，一同外出吃午飯，又或者叫平價到會喺公司開餐，就可以邀請約二十五人參予。


是次主角玫瑰小姐選擇了邀請八位同事去意大利餐廳嘆其家鄉菜，但由於某些原因，有兩位被邀者不能出席而又因為時間緊迫，趕唔切額外邀請另外兩位，所以這次午餐聚會連同主角及老細只有八人出席。其實主角這次安排好有意思架，除咗請咗我哋同部門嘅三個同事之外，另外三位同事係佢三十年前一齊工作嘅顆伴啦！

一開波，連menu都未睇，老細就温馨提示我們這餐飯按人頭算的budget，海豚兒心想，明明少咗兩個人，典解個人均budget係按十人計嘅。算啦，最緊要食得開心！這餐飯海豚兒吃了份量巨型又超好吃的蟹肉ravioli，旁邊同事就點了好吃的燒魷魚，始終和同事食飯，海豚兒不方便影太多相，這餐飯除了主角點咗份沙律做頭盤，其他人都只叫了主菜，有部分同事最後加點杯咖啡。。。可憐海豚兒因為侍應無問有無人要甜品，老細又無提出，所以咪連甜品都無叫囉！

埋單後，老細去咗洗手間，有個坐老細隔離嘅同事之前睇到張單，爆番出嚟這餐飯只花了總budget嘅一半錢咋(怒)！玫瑰小姐嘅舊同事估我哋老細“以為”我哋班福祿壽唔知budget，而佢又唔知玫瑰小姐嘅舊同事之前都有搞過同類午餐，海豚兒忍唔住爆咗句“公司嘅內部網站入面有寫得清清楚楚加嘛，又唔係咩高度機密！” 然後主角嘅舊同事就話海豚兒成餐飯都咁靜，無諗過海豚兒會嗡句咁嘅嘢！海豚兒心諗，無甜品食影响到自家“福利”梗係燥D架啦!XD

食完呢餐飯，海豚兒就打算走去隔離餅舖買個蛋糕返去請玫瑰小姐食當係多謝佢嘅邀請，順便有個借口俾自己食甜品。呢個時候，老細問海豚兒去邊，海豚兒就如實相告自己想食甜之餘又想買D嘢俾玫瑰小姐返去辨公室揾埋其他同事一齊慶祝。故事寫到呢度，相信大家應該估到結局啦。。。。。






就係老細話下面個蛋糕開公數啦，wakaka ！