2015年10月8日星期四

又來Farewell飯 x 2

最近連食兩場散水(farewell)飯。

第一場是和一班"同聲同氣"的舊同事聚舊加farewell,這班舊同事已認識很多年了,雖然大家早已離開從前認識時的工作崗位,但多年來還是會久不久一起食下飯,吹下水。

這次飯局的目的就是farewell其中一位舊同事跳槽成功,這位舊同事是“猛”人一名,從馬來西亞移民到加拿大時,把已擁有的專業資格放棄,然後重新在另一個不相干的範疇從頭開始,由低做起----->就是我們認識的部門啦,一步一步向上爬,更成功考取到令人嘩然的專業資格,這麼聰明,勤力加上進,老土點講句,真是成功非僥倖架!

舊同事提議食自助餐,大朋友(8位)一枱,小朋友(7位)一枱,其中一位媽媽的兩個女兒有超級戀母情意結,而她們的爸爸這晚忙别的不能來,所以一整晚這位媽媽也坐了小朋友枱,當然,我們也有間中過枱陪下佢啦!

至於食物,就一般般啦,最好吃是蕃薯煎餅,但此物難消化,吃了兩件後,海豚兒還有些胃痛呢!>_< 



第二場farewell午餐就是二人前,吃的是法式午餐。哈哈,連海豚兒也覺得離譜,午飯走去食法國餐,而其實當日更是忙到甩轆,夠竟自己心底裡係咪博炒,順便farewell埋自己,所以咁薑走咗去。XD

兩個女生,吃的沒有太多,頭盤(goat cheese souffle)、磨菇湯、和主菜lamb chop也是分吃,甜品則打孖上。這餐廳在夏天時和Mr. Dolphin來過吃甜品早餐,很高興今次介紹同事來而她也很喜歡這兒的氣氛,環境和食物,她還笑説希望將來在這兒辨她的bridal shower呢,嘻嘻!當然,海豚兒更要多謝她破費請海豚兒吃這漂亮又好吃的午餐啊!



最後,祝這兩位舊同事也步步高陞呢~~~~~

16 則留言:

  1. 回覆
    1. 因為呢班舊同事真係識咗好耐所以已經好熟,大家都慣咗每次聚會一家大細一齊去,好熱鬧架!

      刪除
  2. 真是成功非僥倖架 <--- Agree 10000%! People tend to underestimate what it takes to be successful. OK, I will get off my soapbox now :)

    How long was your lunch? Hehe.

    回覆刪除
    回覆
    1. 真係呀,睇見呢個舊同事下嘅苦功,日常同老婆仲要好好咁照顧兩個小朋友(11歲同7歲),真係少D毅力都唔得呀!

      計埋車程,嗰日最少出咗去2.5鐘,嘻嘻!

      刪除
  3. wow, 第2餐真係好吸引呀, 勁想食個泡芙呢!!!

    回覆刪除
    回覆
    1. 第二餐真係好啱食,而個泡芙就係我上次去呢間餐廳食甜品早餐時已經睇上咗嘅甜品,不過因為Mr. Dolphin唔好呢類甜品,所以我襯今次佢唔喺度先食。;)

      刪除
  4. 吓?有7位小朋友呀???我以為只係兩三個咋
    妳個法式大餐份量唔細喎,係咪好夠飽呀?

    回覆刪除
    回覆
    1. 哈哈,其中一pair有3個細路,另一pair有兩個細路,再有1拖2,所以細路嘅陣容真係好强大架!

      法式午餐頭盤,餐湯,主菜都係同人分嚟食,而且羊架份量好少,真係唔算好飽,嗰晚仲食得落日本拉麵添!;P

      刪除
  5. 我唔太好西餐,反而覺得第一餐較吸引,起碼比我哋無得食吸引好多!

    回覆刪除
    回覆
    1. 擁有一個亞洲胃嘅妳,住喺NC呢方面就真係無咁方便。第一餐嚟講,水準只算普通,妳遲D返香港同去韓國一定有更多好味嘅選擇啫!:)

      刪除
  6. 會唔會返香港同我食Farewell飯 x 3呢? XD

    回覆刪除
    回覆
    1. 哈哈,不如返嚟farewell你+welcome我,兩樣一齊嚟吖!;P

      係喎,若果真係要farewell你,咁即係要恭喜你被高薪挖角bor!

      刪除
  7. 大人 小朋友都好happy 呢!

    回覆刪除
    回覆
    1. 任食對小朋友嚟講就最開心,因為佢哋可以食D平時父母唔會叫嘅食物,尤其係雪糕呀,糖果呀之類。

      至於大人,坐埋一齊吹下水已經好鬼爽!:)

      刪除
  8. 雖然是farewell, 但第時隨時有機會可以再約舊同事食飯呢~~~

    回覆刪除
    回覆
    1. 講得啱呢,只要“有心”,大家一定會再約食飯,而其實班同聲同氣舊同事都好好,我哋真係簡中會約出嚟食下飯、聚下架!

      刪除