2018年11月8日星期四

2018日本“游” Day 14 ~ 北海道展@京都站伊勢丹。大阪心齋橋買手信

昨天晚上回程時發現京都站的伊勢丹百貨公司十樓由這天開始一個多星期的北海道展,為食的海豚兒和Mr. Dolphin當然要把這兒加插到是日行程之內啦!



出動摩打腿在展覽場地極速巡了一圈後,我倆決定開心些牙巨型燒帶子海膽丼。



巨型帶子和海膽也好好吃,係海膽份量少咗啲啲啫,飯就雪櫃飯質素麻麻地。




再來一杯冰感較重的北海道牛奶軟雪糕,有丁點兒浪費了配額呀。



然後就往大阪難波出發去啦!

去到難波,先在0101門口買一份法式薄餅吃,難得連Mr. Dolphin都記得海豚兒喜歡吃這店的薄餅。然後當然是要安頓好Mr. Dolphin坐個有利位置,好讓海豚兒在0101逛個痛快啦!



行完0101,海豚兒就“接返”Mr. Dolphin去三田製麵所食個late lunch。



這兒的沾麵依然好吃,這趟日本行幫襯過三間沾麵店包括博多一幸舍、東京的六厘舍、大阪的三田製麵所,這間店是三間中最重口味亦最得到Mr. Dolphin喜愛。



食飽就沿著心齋橋方向行街街。



行到邊、影到邊。





下午茶就去宇治園解決。這兒的焙茶味軟雪糕滿好吃,但其他甜品就普普通通啦!不過光顧這店的最大原因就是買手信啦!跟據兩次到訪京都、大阪的焙茶、綠茶甜點手信食後感,宇治園的外帶手信味道上較可靠,海豚兒覺得比中村藤吉、辻利、伊藤久右衞門都好,當然堂食甜品的話,中村藤吉總店就定必是海豚兒首選啦!



唔覺唔覺喺心齋橋附近都已經行到天黑啦,海豚兒呢日衣食行各方面都叫做有少少收獲咁啦!



橫豎都未餓,我倆索性搭車返到京都站再光顧又平又好食嘅迴轉壽司做晚餐!

14 則留言:

  1. 海膽係我至愛,加埋超級大帶子。呢 1 set 好正喎。

    回覆刪除
    回覆
    1. 我都勁like海膽,不過呢個組合嘅海膽唔多夠喉,但巨型帶子就食得某人非常滿足。

      刪除
  2. 一見固力果跑跑人, 就知係大阪

    回覆刪除
    回覆
    1. 係呀,就好似紐約時代廣場咁,一見到啲燈箱就知係邊度,好iconic!

      刪除
  3. 宇治園既焙茶味軟雪糕太誘人啦!睇樣都feel到好滑
    見到妳間三田馬上search返當年大阪遊記,果然係去同一間,真係好好味,好想再去呀~~~

    回覆刪除
    回覆
    1. 係咪好似香港都開咗宇治園亦都有三田呀。雖然如此,我都會話飛日本食一轉更可滿足生理同心理需要,哈哈!

      我記得妳當年係冬天去大阪,凍冰冰食沾麵,感覺更幸福滿足呀!

      刪除
    2. 香港三田唔好食啦... 宇治園要搵次試試!

      刪除
    3. 好不容易等到香港有分店但水準不似預期,真係好失望呀!希望香港嘅宇治園會令人滿意啦!

      刪除
  4. 回覆
    1. 對對對,所以啲飯我都係試過就算,無謂嘥配額嘛!

      刪除
  5. 海膽啊...肥人口水流緊啦~
    海豚兒係0101應該收獲唔少..HAHAHA

    回覆刪除
    回覆
    1. 睇返相,我其實好後悔當時唔買多盒黎食,但印象中,嗰陣晨早流流又唔食得落太多生冷野。

      0101...大飽眼福但零收獲(爆),我太cheap啦,哈哈!

      刪除
  6. 我記得上次住大阪都係住0101附近,有去逛商場^^

    回覆刪除
    回覆
    1. 住0101附近,食買玩都好方便喎:),仲有由難波坐車去機場又係勁方便!

      刪除