很榮幸獲得人靚聲甜的甜魔媽媽Yan邀請到她"地頭"，來一個甜蜜blog友聚。其實早在數年前海豚兒已經留意她的blog，不懂中文打字的海豚兒做了幾年隱形讀者，全靠iPad的出現後，才慢慢開始留言，繼而成為blog友。
甜魔媽媽很貼心地在車站接海豚兒，帶領著路痴海豚兒去茶餐廳喝超好飲熱奶茶、吃美味菠蘿包、腸仔蛋、魚腐米粉(忘了拍照)，然後到鄰近小店再整多杯滑滑冰鎮奶茶、吃嫰滑香口的雞扒包(全靠甜魔媽媽提醒才記得拍照)、滑滑炒蛋和沙嗲牛肉公麵。本來她還準備和海豚兒多吃兩家小店，只可惜海豚兒肚皮不爭氣，沒法子再多吃一點，下次回來一定要相約甜魔媽媽再掃小店。
甜魔媽媽很好客，除了請海豚兒吃飯外，還邀請海豚兒到她的家中短聚。基本上，海豚兒一整個上午也色迷迷地逗著她的可愛女兒玩，能夠到她家和小人兒Chloe近距離接觸，當然是沒有說不的道理吧，何況午後她的兒子也放學回家，海豚兒又可以和小甜魔Matthew見面，實在是一擧兩得，哈哈!
大方的甜魔媽媽還請海豚兒吃可口Pierre Herme古古力，送海豚兒紙包裝奶茶及Royce古古力，很感激啊! 其實甜魔媽媽很豪爽地送很多古古力給海豚兒，只是海豚兒不好意思又食又拎，所以婉拒了。除了甜魔媽媽外，海豚兒還有幸和Matthew & Chloe的婆婆傾計，這個上午的節目真的很豐富啊!
中午過後，海豚兒便會合家人去辨"正經事"，直至晚上九時多，Mr. Dolphin和海豚兒才去了板長吃晚飯/宵夜，兩個人吃了很多東西才三佰元，很抵啊，只可惜當時太倦，沒有拍照，想起來，直到現在也很懷念那個超級軟糯的芝士年糕啊!
後記: 好在當時"相逢何必曾燒衣"還未在「老表 你好hea」登場，否則嘛，海豚兒恐怕會唔小心喺辨正經事中途噏咗出嚟，情況有如海豚兒會無啦啦喺屋企對住Mr. Dolphin唱"細路你老豆la la la"一樣，每次同家人聚頭都要提醒自己不要亂唱。 @_@!
冰鎮奶茶呀，你要將佢引入多倫多。
回覆刪除我都想吖，不過就算嚟到多倫多都會係"形"似"神"不似，始終呢邊嘅奶茶真係做唔到香港嘅水準。:(
刪除盒裝奶茶味道得唔得呀？
回覆刪除如果啱啱係茶記飲完杯絲襪奶茶就會覺得佢唔掂，但好似我哋喺北美居住"餓"咗咁耐，就會覺得可以止下癮，仲幾好味，尤其雪凍之後。
刪除有時我係澳門都係用e隻奶茶黎止癮
回覆刪除我見妳介紹澳門茶記時，我以為澳門同香港一樣，好方便就飲到港式奶茶添。
刪除我有諗過帶半打返嚟，但除咗重之外，又覺得好快飲完之後都係無得補倉，所以都無咁做。
返香港要帶兩個胃架。
回覆刪除帶咗啦，不過一個咸、一個甜，所以都好似唔係好夠用咁囉！
刪除係元朗掃街真係好正啦，遲D又叫Yan帶我地去掃
回覆刪除哈哈...妳咁鐘意個首歌呀？其實好彩咋，當時未有，我驚妳辦正經事時除咗唱咗出嚟外，仲大笑咗出嚟:p
仲要有Yan做"盲公竹"唔駛驚亂食會浪費quota。
刪除嗰兩日除咗摺就係燒，如果有呢首歌，真係好難忍住唔唱，仲要越忍就越易笑出嚟添呀！
BLOG友聚會好開心呢~~~ 特別係本身唔識. 但係透過BLOG而慢慢了解又啱咀形就更加難能可貴呀~~ ^_^
回覆刪除係呀，一切從blog開始，而且分享都比較無私、計較，時間耐咗，感覺真係變得好close，我都等緊幾時再嚟倫敦要搵下妳呀！
刪除海豚兒:
回覆刪除~同blog 友出去食, 實知咩地方會岩你食. 其實, 我覺blog 友之間, 其實建立咗好好relationship. 雖然, 大家通常只係電腦溝通, 但一見面,就自動波, 傾到計. 個感覺好特別.
~傳說中, 好好味Pierre Herme古古力. 有得食, 太好啦!
雖然平時留言都只是兩三句說話，但日子久了，blog友之間的友誼就在不知不覺間增長，感覺好得意，就算第一次見面都唔會好陌生，好開心!
刪除甜魔媽媽真的很大方，請我食咗好多好嘢!
真係好開心妳專程黎元朗呀, 下次再食更多好味的小店! :D
回覆刪除我仲開心啦，有専業領隊帶住我周圍搵食，下次一定要留耐D，去多幾個地方食小店！:)
刪除