這天一早起來便去了酒店附近的澳牛吃早餐，原來未夠八點，店外是沒有人龍的呀，正! 雖然食物沒有特別出色，但其實來這兒吃早餐一來是為了滿足奶茶癮，始終不大懂找地道茶記，二來是為了滿足一點點的童年回憶，記得小時候在附近的嘉賓大廈看醫生後，媽媽就會帶海豚兒到這兒或義順吃通粉打底來食藥，通常吃完藥，一上巴士便大覺瞓，瞓醒後連病也似乎已好了一半。
吃飽早餐後，便繼續去辨"正經事"，直到下午辨完事情後，Mr. Dolphin便陪海豚兒到海港城吃味美的甜點。
去到海港城，Mr. Dolphin和海豚兒不約而同被"熱情"嘅自由喼--->即自由行拎住嘅喼，熱烈地碌過我哋嘅腳以示歡迎，而當然，佢哋碌完我哋嘅腳亦以視而不見嘅態度繼續前行。^^!
還好，海豚兒很快就被眼前嘅美食所吸引，快樂指數又再次爆燈! 相信大家比海豚兒對這些甜點更為熟悉，海豚兒也無需多介紹啦，只能説全部都好好味啊，包括茶之環的綠茶味梳乎厘，Sweet Cha Cha的綠茶味泡芙、牛奶味軟雪糕，和Pierre Herme的macarons，超正啊!
吃罷甜點，Mr. Dolphin便先回到酒店梳洗，海豚兒則去了酒店附近的莎莎掃平貨，然後回酒店會合Mr. Dolphin再出發和Mr. Dolphin爸爸、Mr. Dolphin媽媽吃晚飯。
因為Mr. Dolphin媽媽這陣子也在吃素，Mr. Dolphin家姐便替我們在素食餐廳訂位吃晚飯。大家也很滿意這頓素食晚餐，尤其是我們也很合拍地點了一些清淡口味的素菜，沒有點甚麼咕嚕肉、松子魚、排骨等等狂炸的"扮"肉菜色，味道也清新自然得多!
這晚的最大意外收穫絕對是有幸品嚐到Tony Wong出品的甜點，好味得令海豚兒頓覺自己超幸福! 這種美味想起來也令人懷念啊，下次回港，一定要再來大擦一番!
如果我第日搬返香港住，杯奶茶可能會係原因之一。
回覆刪除Wakaka，雖然聽落好似好誇張，不過我明妳意思架。好在多倫多都有較好質素嘅奶茶，比我"吊"下癮。妳得閒都過嚟差下電吖!
刪除海豚兒:
回覆刪除~我唔知自己細個係邊樹睇醫生, 但原來你細個一病就食茶餐廳, 比我可能會扮病. 哈哈~
~香港實在太多美食啦!! 真係兩個胃都裝唔晒
Vicky可能小病又或者喺屋企附近睇醫生，所以無咩印象。我住新界，每次去九龍睇醫生好似大旅行咁，後來個醫生仲搬埋去太古，我哋都由茶餐改為去飮茶lu。不過坐咁耐車去睇醫生，小病都"藕"到變大病。^^"
刪除香港嘅美食仲要中西都咁出色，可惜細個時唔識，無好好珍惜，離開之後先知走寶。
Tony Wong 嘅甜品真係好好味架 !
回覆刪除多謝妳嘅留言呀！
刪除無錯，真係超級好味，攪到我之後幾日都心思思，好想再去。其實我到依家都仲好想好想再去食，下次返香港，可能我會一落機就碌住隻喼去食，哈哈!
真不相信平時習慣晚餐清淡的你，在香港竟如此放縱！但食得是福，況且你大把quota! 正。
回覆刪除哈哈! 愚太仲記得我嘅"口淡淡"晚餐呀。XD
刪除如果唔係平時儲定quota，返香港真係唔敢咁食咁多嘢，不過我都唔想後悔，所以想食嘅都盡量去食。
滿足一點點的童年回憶 <-- those were the best memory. Nothing to worry.
回覆刪除係啦，細個時唔覺，依家諗返𨍭頭就覺得"those were the days"
刪除澳牛的食物雖然普通，但比起其他茶餐廳已經很有水準了。
回覆刪除同埋佢都算乾淨企理，比較食得安心，加上佢好近我住嘅地方，無理由唔去嘛！
刪除原來妳之前都去左茶之環, 好彩d items冇撞咋~~~
回覆刪除係呀，原全無撞之餘，我仲要勁鍾意隔離舖件卷蛋，同埋濃濃芝士蛋糕，正！
刪除係丫, 間patiserrie yamaxxx卷蛋is my top favorite too!!! :D
刪除最正係中間加個mochi，間直係亮點呀！多謝妳啊！
刪除綠茶梳乎厘真係好好味，我食極唔厭
回覆刪除真係好好味，如果呢邊有就好啦⋯⋯又或者我應該返得嚟密D！
刪除super agree 應該返得嚟密D ar!!! >v<
刪除下次一訂到機票一定馬上同妳哋夾時間添呀！
刪除吃了很多美味的甜品, 正~~~
回覆刪除住喺香港呢個美食天堂真係好幸福架! 無論中西食物都咁強，想食咩都咁方便，返完香港回歸平淡之後，真係有DD失落架！
刪除去澳牛唔駛等咁正?
回覆刪除我好耐都冇去啦，因為成日排長龍><
好早嘛，去到都未夠八點，仲可以兩個人霸哂卡位添呀，不過平時要返工嘅話，真係無可能去排隊囉。我本來打算星期日去食早餐，見到條隊就已經走夾唔抖啦！^^"
刪除