2014年11月13日星期四

霎時但不衝動的約會 + 好友gathering 2 ~ 回港行 Day 6

今朝一早Mr. Dolphin就陪大鄉里出城嘅海豚兒去港島區參觀+搭中環至半山扶手電梯,話說呢,海豚兒離開香港時還未有這電梯,海豚兒只是從張小姐的愛情小說得知這電梯的出現,所以這次Mr. Dolphin就專程帶海豚兒到這兒附近參觀和逛逛。為隆重其事,海豚兒更在回港的機途上再看這部小說來重溫一番。




在天橋上我倆還發現這部八達通機,拍一下慳兩蚊,適用於附近的幾個地鐵站,沿途一直也有很多人帶著一堆咭來拍,很艱難地才能夠影低這張沒有人的相相啊!



走著走著我倆經過了西港城這個景點,還看到這款已經很久沒有見過的磅,很具懷舊feel呢!



之後Mr. Dolphin就陪海豚兒去了川善茶居吃鐵板綠茶brownie,本來很想試甜魔媽媽推介的焙茶心太軟,只可惜當天沒緣份遇上就是了。



怱怱吃過甜點早餐後,便輪到海豚兒陪Mr. Dolphin吃他的"飛佛"之一:  泰菜。"發掘"這間泰菜其實亦有一個小故事,一個可列入"老是老點老公係列之一"的故事。

話說幾年前回港時,溫哥華靚女好友向我們推介一間在銅鑼灣的泰菜,然後某日海豚兒和Mr. Dolphin無意間看見"泰式食"的水牌,海豚兒便想起這是靚女好友介紹的餐廳便去試試,吃完後又覺得幾好味喎,便順便向好友道謝,點點點知好友説她推介的餐廳叫"泰簡單",三個字之中,海豚兒只中了一個「泰」字,這幾年以來,這兩家餐廳的名字一直是Mr. Dolphin和海豚兒之間的一個笑話。

行動勝於一切,今次回港Mr. Dolphin依然堅持要幫襯"泰式食",證明這也算是錯有錯著之選吧! XD



吃過午餐後,又輪到Mr. Dolphin陪海豚兒去崇光吃美味卷蛋來間場,這個嘛,又是好吃到不得了啦!



飽餐過後,我倆便分道揚鑣,Mr. Dolphin去買玩具,海豚兒則去會blog界紅人Fool of Love的愚太。像愚太blog文所提到,我倆是在二十四小時之內相約見面,雖然約會是臨時決定,但這份"說做就做"的處事方式正好表明我倆的合拍。

愚太的文章從來也很能夠感動人心,一直是海豚兒很喜歡追看的網誌之一,她的經歷有血有涙,難得她依然能笑著去面對,這正是深深吸引海豚兒的地方,她的故事最近還被港台拍成一個賺人熱淚的單元劇,海豚兒真心推介大家去看看啊 ~

「醫護人生」之"生機" ( https://www.youtube.com/watch?v=Tb-CnC1rslM)

我倆雖然只是第一次見面,但大家也能夠不保留地分享心底話,這次邂逅,實在讓海豚兒感動,期待愚太將來帶女兒來多倫多渡假,並和海豚兒四處去吃喝玩樂。

跟愚太道別後,海豚兒便去將軍澳先會合Mr. Dolphin去晉薈和溫哥華好友一起吃飯啦!  本來這晚海豚兒是打算和Mr. Dolphin二人世界去Yamm擦番餐美味自助餐,感激Mr. Dolphin體諒,陪海豚兒和好友飯聚,讓海豚兒能夠和好友再聚,所以海豚兒亦選了這間甜魔媽媽介紹的餐廳,好讓Mr. Dolphin吃一碗超讚的擔擔麵,而海豚兒亦可一嚐阿鴻小吃的滷水菜色。:)

14 則留言:

  1. 妳都有睇個本小說呀?我當年睇完個本小說後,希望將來住近行人電梯個邊呢

    回覆刪除
    回覆
    1. 嘻嘻! 佢嘅長篇,我應該都煲哂,當年好迷架,除咗希望住嗰度,我仲好恨食每一本小說提過嘅美食,基本上除咗潛水、打棒球、排球等運動,我對好多情節都"曾經"充滿幻想過。^^"

      刪除
  2. 川善, 堂島卷同晉薈都yum yum ar!! :)
    又原來Mr Dolphin鍾意泰菜得咁緊要, 如果佢去泰國就不得了了~~~

    回覆刪除
    回覆
    1. 可惜因為之前好早去到上環,變相等咗好耐至等到川善開門,所以都唔敢叫太多嘢食,趕住去滿足Mr. Dolphin嘅咸胃呀!

      我估佢情願留守香港食泰菜多D,因為感覺"安全+安心"好多嘛!

      刪除
  3. 你哋食嗰啲泰菜菜色咁唔似泰菜嘅。

    原來你未見過半山行人電梯,咁真係離開好耐。

    回覆刪除
    回覆
    1. 好眼利呀! 其實因為湯、沙律、碟頭意粉係set lunch,所以賣相較為似港式,但個青咖哩汁其實係超正,我哋食到"美人照鏡"架!

      走得耐都唔止,最高紀錄試過九年無返香港,一返到去以為自己去錯地方,差不多大部份地方都唔識,去到邊都好似遊客咁狂影相。

      刪除
  4. 泰菜有意粉?第一次見咋。我而家想去九龍城食泰菜呢。

    回覆刪除
    回覆
    1. 其實侍應放低隻碟時,我真係覺得好有碟頭飯feel架,不過味道依然好正,而且包埋湯、沙律、飮品都係$5X蚊,仲要係銅鑼灣,都好抵啦!

      我大鄉里,連九龍城都未去過呀,妳去完介紹比我睇吖!:)

      刪除
  5. 回覆
    1. 我都記得妳有講過呀,不過,妳返香港咁長時間,又真係相對地會少D過海,而我返去時間短,有時貪方便,為咗食會港、九兩邊走,而且我唔熟路,淨係識去地鐵沿線嘅地方。^^"

      刪除
  6. 海豚兒:
    ~張小姐的愛情小說, 中學時, 都有讀依啲小說, 但讀黎讀去都係個幾本, 因為唔捨得買!! 你話張小姐的愛情小說有電梯的出現, 係邊本小說??
    ~你返香港都算密, 我對香港, 仲大鄉里過你!! 你講啲地方,我未去過添!!
    ~Mr. 海豚,雖然話體諒, 就你去第樹食, 但我覺阿鴻小吃啲食物, 很出色!!

    回覆刪除
    回覆
    1. 原來Vicky同我一樣都係慳家型喎,我都係屋企有幾本中文小說,不停翻看足成個high school過程。不過後期就有朋友仔仗義借我睇囉。我講嗰本係張小嫻嘅三個A Cup的女人 :)

      我返香港好唔定架,有時幾年一次,有時會連續返兩年,不過每次返去都覺得變化好大就真!

      嘻嘻!其實食咩,Mr. Dolphin都無所謂,只係佢唔鍾意去飯局,prefer二人世界,而我今個行程,又真係無咩陪佢,都有D唔係幾好嘅。^^"

      刪除
  7. sweet to meet you too :)
    look forward our second time soon!

    回覆刪除