2014年11月26日星期三

回歸正常生活

回加已經大半個月啦,心中依然好掛住香港的一切,包括親人、好友、blog友仔、甚至美食,而每次聽到有關"佔中"的新聞,鼻頭比從前更酸,但同時卻又很慶幸能再次感受到多年未嚐過的"獅子山下精神",這百感交集的滋味,足夠海豚兒銘記心中。

可能香港美食實在太吸引吧,連一向擁有一個"亞洲胃"的Mr. Dolphin回到多倫多也不願吃中餐,回來後的第一個週末Mr. Dolphin陪海豚兒去了自己一向很喜歡的Montana's餐廳吃這個pork back ribs了,配以apple butter sauce,味道甜甜的,很是討好,至於Mr. Dolphin選的雞胸配waffle,也很有特色,兩款也很好吃啊!



來到星期六的晚上,Mr. Dolphin就提議去打邊爐,其實食物也滿新鮮,很好吃,只是選擇不及香港多而已。



難得有一天假期,海豚兒和幾位舊同事相約午飯。不過Mr. Dolphin仍是要上班,所以沒有參與,不過細心的他,卻預先為部車注滿油,不用海豚兒操心呢,謝謝啊!  如果無記錯,對上幾年,"潔癖的"海豚兒只幫架車加過一次油o乍,嗰次仲要係自己同blog友去完街,pat pat痕走去入油添呀!



其中一位舊同事提議重"游"舊地,來到Joey Restaurant用膳,當中包括海豚兒和另一位同事所點的半溶芝士配龍蝦肉多士,她丈夫所點的白汁雞肉意粉,和從加洲回來探望家人的舊同事所點的咖哩蝦飯,海豚兒還笑言這個飯的份量已經比自己一年來加起來吃的還要多啊!



吃過咸食,海豚兒當然不會錯過這兒的甜點吧,我們四人分享了心太軟和青檸批,好吃!



而這個午間小聚的重點嘛,絕對是我們的飯後活動,同事的丈夫(其實也是同事啦!)就自由活動,我們三個女人便在商場行街街,同事還買到心頭好,真高興! :)

16 則留言:

  1. 其實加國o既baby ribs 同甜品都唔錯丫, 至鍾意妳地個邊甜品夠大份!!!

    回覆刪除
    回覆
    1. 其實食物味道真係幾好,但妳有無發現餐廳A就咸食得、餐廳B就甜品正,唔似香港咁好,可以一間攪掂哂!;P

      刪除
  2. 回覆
    1. 會吖! 不過仲未諗掂應該下年定後年返,要再計畫下先!

      刪除
  3. 我駕車嘅入油工作,從來都係我老公負責架,每隔一個週末夜晚,佢就會揸我駕車去油站入滿油。我唔鍾意一個女仔喺油站入油,總覺得唔太安全。

    回覆刪除
    回覆
    1. 我又無諗過"安全"問題喎,不過我奶奶因為唔識入油,所以都係老爺負責架。睇嚟每個幸福女人背後都有"一個甘去為妳"入油的男人bor! ;P

      刪除
    2. 你住嘅加拿大同我住嘅美國,安全差好遠架,即使唔計打劫之類,淨係俾人撩已經好煩。好個大繼女有時都會講入油時俾人撩又或是驚俾人之後跟住。

      刪除
    3. 其實呢邊都會有呢D問題嘅,不過可能同多倫多冬天又長又凍有關,所以入冬後大家就算入油都三爬兩撥攪掂就走,可能太凍,個個都包到隻糭咁,無論身材樣貌都睇唔清,嘻嘻!

      刪除
  4. 妳個Rib咁燶啱晒我^_^
    妳成日話香港D嘢好食,但我每次見妳post妳個邊D嘢食都好吸引喎

    回覆刪除
    回覆
    1. 好似燶义燒咁,好正架! 我今晚都忍唔住去咗返兜啦! XD

      但我喺呢邊食嘅時候,無妳哋陪嘛! >_<

      刪除
  5. 其實加國都好多野食, 海豚兒番到去都一樣有食神呀 :DD

    回覆刪除
    回覆
    1. 可能我貪心啦,始終覺得香港嘅甜品menu比加國嘅選擇多好多多多啊! :)

      刪除
  6. 香港真係有好多好嘢食,食極都唔完,就連平嘢都可以好好味。^^

    回覆刪除
    回覆
    1. 係吖,香港好多平嘅嘢食仲係最地道、最吸引添呀,因為有埋感情分呢!

      刪除
  7. 你一定要多d反黎呀,雖然可以同你電話聯絡
    但我中意見到你同你傾計同你食飯

    回覆刪除
    回覆
    1. M2,最希望下次返嚟可以一齊食多幾餐,傾多D計,當然最好可以周圍去玩下就更正啦!!! :D

      刪除