Jamaican Jerk Chicken ~ 海豚兒叫佢做牙買加燒辣雞。好多年前經舊同事介紹下便一試傾心，其實海豚兒唔太食得辣，一食辣嘴巴就會自動腫起，變成“孖潤腸嘴”，萬試萬靈。^^" 不過唔知點解就係好鍾意食呢款雞，更有趣嘅係幫襯咗呢間店好多年，由舊檔攤嚟到新舖位，海豚兒係從未見過有黃皮膚嘅人幫襯，除咗牙買加人，最多就只見過加勒比海嘅西印度人嚟買外賣，包括介紹海豚兒嚟幫襯嘅舊同事，海豚兒覺得這只證明一點，就係呢度嘅jerk chicken 超正宗啦！
話説n年前海豚兒嘅家人包括姨丈、大姨(即姨媽)嚟參加海豚兒嘅hea爆婚禮，超級愛鍚海豚兒嘅兩老更加提前三個星期就到訪。海豚兒知道姨丈這個外省郎無辣不歡而大姨平生就最愛食雞，當然要同佢哋試下牙買加燒辣雞啦！結果嘛，兩老對此品也讚口不絕，後來，由三藩市飛嚟觀禮嘅阿姨(海豚兒外婆嘅契女)都加入呢個陣營，一齊去食辣雞。其實呢個雞嘅靈魂在於個汁，海豚兒索性買雞之餘，額外買兜汁比三位長輩慢慢嘆，海豚兒這輩子也不會忘記佢哋三個好落力咁畢D汁嚟食雞，連嘢都唔講，淨係食嗰個專心樣，太攪笑啦！不過呢，每次問返姨丈呢個雞叫咩名，佢都記錯，話係“孟加拉雞”喎，笑C人啦！XD
海豚兒今次買咗半隻雞，不過就要求全白肉/雞胸肉，方便唔好黑肉嘅Mr. Dolphin 一起分享，除咗半隻雞，再加多三個叫做festivals嘅東東，味道似牛脷酥，全部加埋連税都唔駛$11加紙，其實都好抵啦，尤其喺北美洲要求全白肉通常都會另外收費，反而黑肉/雞脾肉就平D或者係正常價，加上今次份量好多，海豚兒見厨師斬雞時，仲以為佢比錯咗成隻雞我哋添。;P
食完雞嘴腫腫，即刻食番條哈根大C嚟急救消腫，正呀！
我盒雞咁似香港D燒味嘅？
回覆刪除食唔到太辣有個好處喎，就係有藉口食甜嘢:p
香港冇呢隻HD呀，好似好好味咁
斬件後睇落又確係幾似！XD
刪除嘻嘻！我食咩嘢到最後都要食甜品架，如果唔係就唔圓滿嘛，我講緊我個肚腩！^^"
個盒話係限定版，我估係聖誕賣剩，因為呢邊聖誕興食有peppermint嘅甜食。
海豚兒:
回覆刪除~我記得臨離開多倫多, Jerk chicken 嘅食鋪, 都越開越多!! 同埋, 我好surprise, 牙買加食物, 唔太貴.
~同埋多倫多, 都幾多牙買加人!! 依邊完全無咁濟.
~喜歡peppermint 雪條嗎??
可能先入為主，我總覺得幫襯開呢間最啱口味，同埋有D店面嘅賣相"太地道"--->好似有D雜，唔係好敢去。^^"
刪除係喎，妳唔講開又真係無留意，呢邊可能近caribbean islands 多D，所以真係多D牙買加同西印度人呀！
我ok鍾意，不過會鍾意黑古力味多D，但老公話陣薄荷味攪到佢好似漱口咁，因為似mint味漱口水！XD
原來白肉會貴D, 令我諗起舊時Econ的demand & supply添
回覆刪除係啦, 我都想食個款HD多D, 好特別咁
係吖！呢邊真係連去KFC買白肉嘅雞都貴D架！題外話，我以前食麥樂雞識分黑/白肉，揀比老公架！
刪除呢隻帶D薄荷味，幾清新！其實真係幾啱食完D重口味嘅食物嚟清洗味蕾。
我喺北美食雞係一定唔食白肉架！無味又鞋....
回覆刪除我由細到大都係食黑肉直到同老公一齊加早年減肥就慢慢慣咗食白肉，所以反而喺香港我係無咩食過白肉架，所以唔會有比較。:)
刪除No thanks to white meats.
回覆刪除超級愛鍚海豚兒嘅兩老更加提前三個星期就到訪 <--- that's soooo sweet of them!
原來妳都唔食白肉架，其實我會以為喺北美洲居住會慣咗食白肉添，因為西餐如果食雞，好似除非食燒雞，成日都係得雞胸肉食咁。^^"
刪除兩老真係對我好好，佢哋本身無仔女，但當年我媽媽過身後，佢哋諗都唔駛諗就即刻收留我。嗰時我仲細，覺得好似係好正路嘅事，依家自己大咗先明白原來唔係必然，比着我，我都唔肯定我有無呢個勇氣照顧人哋嘅仔女，所以呢，呢個真係我嘅福份，好感恩啊！
Jerk Chicken 真的好辣， 估不到你可以食到。
回覆刪除所以我食得好傷心架，一路食一路流眼淚。實情係辣到“標”眼水。XD
刪除不過食辣就係咁，一食就停唔到口！