2015年8月10日星期一

早午晚餐滙報

其實呢,有時候海豚兒也有懷疑這樣子在blog上記低自己吃過些甚麼,是不是有點怪呢? 但既然食瞓拉也是常事,而海豚兒又這麼貪吃,相信大家也不介意海豚兒作出以下滙報吧!

報告一 ~ 早餐篇:

之前在長週末吃了一個brunch很想跟大家分享。首先請看看餐牌內容... ...



海豚兒吃的是被Mr. Dolphin和海豚兒笑説是西洋版的親子丼 ~ 母子團圓,是由鴨肉包著鴨蛋一起炸了再配上沙律菜來吃,這様的團圓好像很殘忍,不過實情是這款菜色也滿好味啦! XD




Mr. Dolphin則挑了巢裡蛋來吃,就是兩隻波蛋放在一塊焗蕃薯上,再舖滿沙律菜來營造雀巢的視覺效果,那個蕃薯燒得香香的,Mr. Dolphin 和海豚兒真的連皮都食埋,好吃啊!



報告二 ~ 午餐篇:

上班的日子,有一天心血來潮想吃軟腳(殼)蟹包,便去自隊一個。忽然大食的海豚兒之後還鯨呑了一件好吃的綠茶+古古力甜點。更癲的是,後來更吃了新鮮出爐的一件蕉古力麵包布甸。



報告三 ~ 晚餐篇:

來到週五晚上,海豚兒忽然被澱粉質病毒入侵,於是便拉着Mr. Dolphin 去吃意粉,狠狠的幹掉全部都好吃的食物,包括蒜蓉包,辣茄汁海鮮扁意粉,白酒汁蜆肉意粉,富酒香的tiramisu 和合桃味creme brulee, 真是一個又飽又滿足的晚上。當然,如果意粉能再煙靭一點,會更為吸引啦!



22 則留言:

  1. 我睇親你寫食,淨係覺得你哋兩個好食得,你哋一日食嘅嘢可能我兩日至食得哂,我依家食力差好多。

    回覆刪除
    回覆
    1. 錯覺ja、錯覺ja :)

      呢篇嘅早午晚餐係分開三日食架。我通常一日之中最多得一餐會放縱咁食,平時就算食得落,都唔敢食得太過份,因為以前過肥嘅時候身體試過多咗好多毛病,所以依家要節制,唔想為一時口福而戒一世口。

      話時話,我睇妳blog都覺得妳好食得,第時有機會見面揾妳指教下!;)

      刪除
  2. 回覆
    1. 我又盲盲地啦!初時以為妳話係crab monster, lol!

      我直覺覺得妳係瘦底,而瘦底嘅人通常食極唔飽又唔肥,所以鍾意食粉麵飯填肚,可惜這機會從來都不屬於我。;P

      刪除
    2. Your 直覺 is semi-right :)

      I used to be skinny before kids. Now I am still pretty skinny with a little tummy. Too lazy to work the tummy off especially all the clothes still fit.

      刪除
    3. Yeah!! 妳嘅衫仲啱着嘅話,我簡直覺得自己全中啦!妳好勁呀!我最"月巴"嘅日子,我家姐嗰陣大肚,佢試過買兩件同碼T恤比佢自己同埋比我,結果嘛,佢着有鬆,我着到變咗緊身衫。XD

      刪除
  3. 寫blog就是記低生活事,食咩去邊.......。睇返又幾有趣。 我有時都會 carb 上身,最近就要食飯喇, 明明戒左架!

    回覆刪除
    回覆
    1. 係呀,而且有時唔記得D嘢,包括當下感受,都可以喺blog度揾番,其實都幾珍貴。

      我覺得carb呢樣嘢好邪架,我減肥成功嗰排又唔會有craving架喎,梗係到我最需要cut down 佢嘅時候,我就成日心思思想食。^^"

      刪除
  4. 妳返工係咪有好大壓力呀?中午隊左咁多野,下晝有冇恰眼瞓呀?

    回覆刪除
    回覆
    1. 我返工有時會忙但都不至於會大壓力嘅,同埋我個人好鬼pat pat 痕架,忙嘅時候就乖乖坐定定做嘢,每次都係唔忙就特别為食,嘻嘻!

      又無喎,我隊咗咁多嘢之後根本唔敢坐,成個晏晝都係企喺度做嘢。;P

      刪除
  5. 個包真係好想試...唔知香港搵唔搵到類似....
    你都幾食得WO...LUNCH 食咁多....哈哈!
    我一定會眼訓死呀如果LUNCH 食太飽GE 話~

    回覆刪除
    回覆
    1. 個包真係幾正,特别係個炸漿仲辣辣地,勁好味呀!

      我嗰日唔知攪咩鬼,真係大食漬上身,好在我返到公司見太飽就企喺度做嘢,所以又無覺眼瞓喎。:)

      刪除
  6. 海豚兒:
    ~有咩所謂, 生活上離不開就係食. 點會奇怪!! 反而欣賞你對食物嘅喜愛.
    ~報告二~午餐. 食完個漢堡包餐, 仲有兩個甜品. 你真係好食得甜, 我而家無以前咁食得甜. 食多少少甜, 就覺有啲漏嘅感覺!!

    回覆刪除
    回覆
    1. 些些Vicky!! ^3^ 記底喺blog嘅最大好處就係將來唔記得都可以睇番。

      係呀,我都有留意妳意大利遊記話唔慣以甜食做早餐,我就剛相反,早餐好少食肉,就算食麥當早都會叫"走肉",除非去飲茶,講起嚟,我有大半年無去過飲茶呢!

      刪除
  7. 食得是福,我睇到你食得咁開心,我都好開心架!
    個reunion個名好搞笑,但諗落又好似好殘忍咁,哈哈

    回覆刪除
    回覆
    1. Thank you Mrs. Wu!! 好在我嫁咗,如果唔係我可能會驚因為“食窮郎”而無人要呢!^^"

      我哋都好有同感,一路話好殘忍一路大啖大淡食,然後又低低能能咁喺到笑,嘻嘻!

      刪除
  8. 好好味呀!!!!
    好想食呢D真正西式野呀!!!
    以前在香港, 貴少少, 去下中環之類, 仍然可以食到頗正宗的西式料理... 但在日本, 真係好難... 而且份量好少, 唔過癮!!! 你介紹呢D全部賣相都好好味... 好想食呀!!!!!!

    回覆刪除
    回覆
    1. 嘻嘻!人就係咁,永遠都係隔離飯香,好似我見妳介紹嘅日式美食,我不知幾羨慕呢!不過喺香港成長嘅我哋真係好好彩,能够食到嘅美食種類又多又好,無論茶記到高級餐廳都一樣咁掂!

      如果妳嚟開多倫多話我知吖,我一定會同妳四圍揾食。:)

      刪除
  9. 你食咗好多好味食物呀~~ 食物好看又好味, 胃口係好啲架~~ 而且食物人人都鍾意看, 不會覺得悶架~~~

    回覆刪除
    回覆
    1. 多謝妳呢!雖然係完全唔同類型食物,但全部我都好喜歡啊!難得妳都對呢D食物有興趣呢!:)

      不過依家香港咁熱,可能妳都未必有心機食太heavy嘅食物,食咩都好,最緊要保重身體啊!

      刪除
  10. 好吸引啊!! 雖然旅行中每朝已經勁食蛋, 但我好想食第一餐的兩款蛋!!!!!

    回覆刪除
    回覆
    1. Welcome back!!! 等睇妳遊記x2呢!:)

      鴨蛋早餐真係好有特色,印象中我自己除咗咸蛋外,未試過其他食法,而且加埋鴨肉再炸埋,咁邪惡嘅食法,又點會唔好食呢,嘻嘻!

      刪除