襯住長週末，星期六當然想去上星期因為“驚落雨”而不成行的中央島啦！晨早起床，看一看天氣預測，唉！又係話有雨及雷雨。不過今次決定點都博一博，以下是臨出發前和玩完後的天氣預測，去完後，海豚兒只能説，唔去就ba-na-na(笨吖啦)！;P
早上八時出發，駕車去搭地鐡(相片是後來影的，所以地點方向不對)轉街車(即電車，還有這輛街車是新款的，舊款當然沒這麼漂亮)，再轉渡海小輪，全程連等車、等船約100分鐘，聽落好似山長水又遠，但抱着玩的心態，車接車再接船，其實時間好快過啦！
坐渡海小輪只需約十分鐘便到達中央島(Center Island )----->應該是渡"湖"小輪吧，因為這個只是湖而不是海，在渡輪上隨便拍拍照，很快便到達目的地了。
這個島有個兒童遊樂場(Centreville)，有可燒烤、野餐的地方，有單車租，有船租，有湖灘可游水，湖灘其中一部份更是可自行選擇穿泳衣或不穿泳衣的。
那麼海豚兒和Mr. Dolphin 來幹甚麽呢？燈燈燈櫈。。。就是踩單車啦！
話説n年前海豚兒仍在香港生活時，團契聚會有一次決定去單車徑踩單車，而海豚兒是完全不懂的，告訴同學們之後，其中一位同學就提供場地(即是她的家，她住的地方同時有一個工場，所以門外有一大片地可作練習踩單車之用)和單車，一班女仔就柴娃娃放學後去她家咯！記得當時同學們一起教海豚兒踩單車，怕C的海豚兒一直"we"嘩鬼叫，害得她們要前前後後扶實架單車來教海豚兒騎，這樣學了一個下午，海豚兒就胆粗粗跟團友們去踩單車徑。現在想起來，只覺當時年紀少唔知驚，竟然有這麼大的胆子，只學識最基本的踩單車技倆便學人去踩單車徑。話説回來，經過這n年以來，海豚兒一直也沒有再踩過單車了，所以便好奇想再試一試，而難得Mr. Dolphin 又肯陪海豚兒癲下，太好啦！
至於長細情形，下一篇再續。
我到依家都仲未識踩單車，亦無興趣學。
回覆刪除如果唔係細個時有嗰次機會，我都應該唔會去學。其實今次踩完，我估我都未必會再試，雖然踩嘅時候都幾開心，但毫無運動細胞嘅我，一路踩，一路驚會炒車。^^"
刪除我住沙田架，都唔識踏單車，講出來都比人笑。
回覆刪除妳無興趣學嘛！好似我住喺老婆餅舖樓上都唔識整老婆餅、嫁女餅啦，嘻嘻！XD
刪除我唔識踩呀，等mr wu 車我啦，哈哈。
回覆刪除終於都去到，天氣都好似好ok, 你應該開心啦！
嗰度有唔同類型嘅二人同四人單車，梗有一款啱踩呢！又或者Mr. Wu 同Mrs. Wu 可以上演返場經典嘅“甜蜜蜜”電影片段喎！
刪除係呀，嗰日藍天白雲，一滴雨都無，正到不得了啊！
原來都唔近喎，來回要成3個幾鐘
回覆刪除點解唔影下妳係單車上的英姿呀?
睇鐘先覺花咗好多時間搭車，但坐緊車嗰陣又唔係太覺，可能當時我嘅心情好似小學雞去旅行咁，興奮得濟啦！
刪除我嘅能力同技術無法hold住個post嚟影相嘛，不過有影到我好艱難咁踩上架單車到嘅片囉，但無謂post上來嚇人啦。^^"
真係好好天呀, o係咁靚的風景下踩單車真係一流
回覆刪除不過有冇曬到膿呀??
嗰日真係好天到不得了，好在無誤信天氣預測，而且仲有D微風吹下，不知幾C服。
刪除嘻嘻！我着哂長袖衫褲，所以淨係同塊面+手背搽咗防曬，連帽都無帶，但係都ok,無燶到。;P
好彩你們今次冇信個天氣預報, 中央島的天氣很好呀~~ 而且可以一齊踩單車遊島, 一定好好玩~~~
回覆刪除係呀，真係好在我哋今次有去到呀，仲要天氣其實無之前一個週末咁熱，有少少風吹下，單車路又有D樹蔭，唔算曬，好寫意！:)
刪除