2015年8月17日星期一

劈劈劈 - 掟斧頭爭霸戰

一個風和日麗的下午,海豚兒工作的部門提早放工半日去了以下這個地方。

 
這是近年80後、90後流行的掟斧頭比賽活動 ~ battling (backyard) axe throwing league, 亦是海豚兒工作的部門今年選擇進行一個team event的地方, 所以部門內大部分員工也有出席呢。

從下圖的靶可見,這遊戲的玩法跟掟飛鏢無異,只是用來掟的"工具"由飛鏢變成掟你唔C都掟傷你的斧頭。



老實説,海豚兒和好些同事也對這次活動不太熱衷,但因為活動進行時間屬於辨公時間,所以也不得不貼錢掟斧頭就是了。對!這活動是自費啊!>_<

零運動細胞的海豚兒當然亦不負重望抬蛋離場啦,成績强差人異,掟了三十幾次都未試過中靶(汗!),要説海豚兒的同事真的很有體育精神和鬥心,盡管有些同事對這活動興趣缺缺,也認真兼投入參予其中,而且還很利害,下下中靶亦取得很好的成績。




遊戲玩法如下:

在場職員會教參賽者安全知識及基本動作,讓我們逐一試掟熱身,然後就舉行兩次循環賽。在循環賽中,每個參賽者也會和兩個不同對手對決,每次比賽有三個回合,每人在每回合有5次掟斧頭機會,如果三個回合後打成平手,就會以超巨型斧頭多掟3次來分高下。在兩次循環賽中取得最好成績的便進入最後8强。能成功進身8强當中有6男2女,最後勝出的當然是氣力較大的男生是也,但第二名的是女生啊,也很利害吧!

 




忙於掟斧頭和拍照的海豚兒也急急whatsapp自己的掟斧頭英姿給Mr. Dolphin 欣賞。吃晚飯時,我倆的對話如下:

Mr. Dolphin: 一睇妳相裡頭的姿勢就知妳實掟唔中啦!(下删數十字關於甚麼甚麼拋物線、角度等"理科"字眼... ...嘅解釋。)

海豚兒 (睥行Mr. Dolphin ): 咁你之前一晚做咩唔同我好好練習呀,等我有零的突破都好吖!

Mr. Dolphin: 邊有得練啫,一睇就知妳唔夠力架啦!

海豚兒都唔知好嬲定好笑Mr. Dolphin 咁“瞭解”自己好咯!^^"

18 則留言:

  1. 回覆
    1. 對呀,這個活動真的比去年看棒球賽互動得多,絕對是team building event嘅好選擇!

      刪除
  2. 吓,要自費?咁點叫係team building呀?俾我就唔去喇。

    回覆刪除
    回覆
    1. 攪手本來想揾新上場老細科水,但結果就只有無限啤酒任飲。^^"

      我都想唔去架,不過整個活動由開始至結束都係上班時間,唔去又講唔通!

      刪除
  3. 掟斧頭又幾得意喎,試吓都好呀!

    回覆刪除
    回覆
    1. 去之前我都同自己講真係要踏出第一埗試下,結果都幾有趣,不過平時少做運動嘅我,玩完真係幾攰。

      刪除
  4. 好難wor..... 因為應該都幾重磅。
    呢個係比賽? 不過同事們一齊玩都開心既。

    回覆刪除
    回覆
    1. 對於我嚟講好重,難度10級呢,但對於我D同事,佢哋又唔覺太重,仲好多都可以單手應付呢個比賽。我都覺得最緊要大家到最後都玩得開心就好!

      刪除
  5. 好有趣的員工活動, 不過個人覺得你公司應該資助一下員工, 因為唔係個個想去又啱玩~ 呢啲員工活動每年舉行幾多次呢?~~

    回覆刪除
    回覆
    1. 通常每年夏天都有一次team event,早幾年D活動唔駛自費架,近兩年cheap咗無budget呢。雖然部門老細有贊助同事啤酒,但好似我唔飲嘅,唔通攞兩支返屋企煮餸用咩。;P

      刪除
  6. 真係貼錢買難受啦,要自己俾錢...
    哈哈,唔好話Mr. Dolphin,我都估妳掟唔中啦.....:p

    回覆刪除
    回覆
    1. 如果喺星期五下晝同埋唔係自費嘅話,感覺一定好好多囉!

      下,連妳都估到呀?等我喺屋企攞幾個罐頭對準Mr. Dolphin 當活靶嚟練好D眼光先!XD

      刪除
  7. "理科"呢D字眼, 我老公都成日拋出黎...我通常都一定係左耳入右耳出...然後LOOK大對眼表示完全唔知佢講咩...哈哈!

    回覆刪除
    回覆
    1. 靜靜雞話妳知吖,我寫呢篇時先google抛物線點寫,我基本上連呢個term點解都未知,仲以為係抛密線。:D

      刪除
  8. 依個活動, 真係.... ^_^"
    只可以講, 我同妳完全係同一類人, 俾我扔100次應該都唔會中囉

    回覆刪除
    回覆
    1. 哈哈,難得遇上"知音人",比我再去多次,我都係咁上下水皮。但如果呢個活動同食有關,我哋可能會玩得叻D。XD

      刪除
  9. I am pretty clumsy. I might hurt myself during team building :)

    回覆刪除
    回覆
    1. Mr. Dolphin同我最初都担心我會整親自己,因為我都係clumsy一族^^",但玩過之後我又覺得無想像中咁恐怖同咁易整親,如果咁唔好彩整傷嘅話,到時就真係要靠隊友營救啦,好在我哋當中都有兩個同事有急救證書啫!;P

      刪除