經常説錯、聽錯、看錯和寫錯字，是海豚兒的慣性漏習，主要原因是因為海豚兒本是一個心急人，做每件事也很想盡快完成，然後坐定定慢慢hea下，返工如是，做家務如是，甚至連去旅行也如是^^"。 知道自己有這個怪習慣，其實海豚兒也有不時提醒自己要放慢腳步，有時候急也急不來，而且老實説，工作太快手有時也真的害苦了自己，人家見妳這麼快把工作完成，自然會把更多工作交給妳咯，當然，人工和職級也不變就是了。>_<
不如和大家重温一下有些以前在blog也提過的搞笑例子吧！例如，海豚兒會把牛頭角跟九龍灣二合一説成牛角灣，把非洲鰂聽成非洲桔，又會在人家的blog把攝時間看成攝影時間，連英文carb也會看成crab。
最近一次和好blog友在一段網上對話中説起一個兒時遊戲“提人仔”，好blog友想不通便問海豚兒甚麼是"提人仔"，最搞笑是當海豚兒看見好blog友的問題時，即時反應是想反問好blog友到底"提人仔"是咩東東，直至自己再番看之前的對話，才明白是怎麼一回事。寫到這兒，其實海豚兒和好blog友也很想知道有多少人估到海豚兒所指的"提人仔"到底是甚麼意思呢？
至於答案嘛，咪就係。。。
少一筆嘅"捉人仔"囉！XD
後記：其實剛過去的週末海豚兒做錯事，瀨咗鋪堅係大嘅，更連累Mr. Dolphin要幫忙補鑊，感激這位好blog友和Mr. Dolphin的安慰，總之，一切盡在不言中啦！
補到鑊就得啦, 做女人有時就係要傻下傻下, 需要人幫, 先至可愛架嘛 ;)
回覆刪除佢見到我驚到匿埋咗嗰刻除咗覺得無耐，可能都有少少覺得我可愛卦。Lol! ;P
刪除捉人仔係咩？
回覆刪除捉人仔有D似捉迷藏(hide and seek)，通常一個小朋友負責捉人，其他小朋友就跑來跑去引人捉來幫隊友脱險等佢哋唔好俾人捉到。簡單嚟講就係一班擁有無限精力嘅小朋友跑嚟跑去玩嘅遊戲啦！XD
刪除我成日都寫錯字架，尤其係寫回應留言時，因為通常都唔會再睇多次就send，有時係同音字錯，更多係因為用速成時快快手揀錯字。但如果係寫blog時寫錯字，之後睇翻發現有錯，我都會入去改翻。
回覆刪除我有OCD,好唔想喺blog寫錯字，所以發現自己blog有錯字，我都會好似妳咁改翻佢，甚至連留言都會删除再入過。^^"
刪除不過blog友嘅blog到就無計，但我都會翻睇，只係太大意，睇極都錯。妳或者都記得我買lotions單嘢啦，我最近買芒果又係咁，5個$6.99, 我隻手一路揀緊芒果，個口都係咁話要拎6個，好鬼失控架！
見到真係好好笑....wahahahahaha..................
回覆刪除過去左就唔好再諗咁多，匿埋一下又係好一日的開始:p
Mr. Dolphin依家喺屋企都會扯我衫領然後話同我玩"提人仔"架，嘻嘻! :D
刪除隔咗個週末，依家好好多啦，之前真係。。。瞓覺都成晚醒，超驚呀！
咩係捉人仔？
回覆刪除不過我自己都好心急，所以都好多笑料比人串，哈哈，但同一時間都帶比好多人歡樂
等我quote番上面嗰段先"捉人仔有D似捉迷藏(hide and seek)，通常一個小朋友負責捉人，其他小朋友就跑來跑去引人捉來幫隊友脱險等佢哋唔好俾人捉到。簡單嚟講就係一班擁有無限精力嘅小朋友跑嚟跑去玩嘅遊戲啦！XD"
刪除係呀，有陣時都唔知有咩好急，但總之有嘢未完成就好想盡快處理咗佢，不過我認同妳嘅講法架，真係會因為自己咁而發放好多笑料出嚟！;P
大頭蝦的事人人都有架~~ 有時呢啲都係生活情趣~~ 總之冇事雨過天晴就OK~~
回覆刪除呢單真係瀨得比較大，所以個心真係唔係幾好過，都好在Mr. Dolphin無責怪我之餘仲好努力幫我補鑊...仲未計佢連續兩晚都俾我嘈醒，搞到佢無覺好瞓呀！
刪除Haha 係捉伊因'嗎？
回覆刪除係呀，係同一様嘢呀，妳唔講，我差D都唔記得咗仲有呢個名添！太開心啦~~~~
刪除唔緊要啦, 最緊要補得到 <--我ALWAYS 都係咁安慰自己架!
回覆刪除有時我都會做錯野...仲要爆左鑊先知自己做錯左野....哈哈哈!
唯有即補.....
多謝妳呀！真係全靠有老公呢個好幫手，時時幫我看門口，先補到鑊咋。XD
刪除今日同個朋友傾起，佢都點醒咗我，教識我點樣處理呢類型問題，我要努力學習呀！